Minggu, 10 April 2011

Dosen Paleng Killer

"Hoaaaeemm!!! mati aku Ham, ngapo ngantuk nian mato ni!!", Uji Soleh yang duduk di sebelah korsi Ilham. Ilham cak-cak dak tau be, matonyo tetap awas ke pelajaran yang disampe ke Pak Husni di depan kelas. "Oii.. Ham..!! aii.. payah kau ni, dak ngibak'i aku", uji Soleh lagi. Ilham maseh dak berenggut jugo, tapi dalem ati nyo la nak marah-marah dengan kawannyo sikok nih.. "Apo dio nih dak ngerti, Pak Husni nih dosen paleng killer, sekali be kito buat marah dio, pacak-pacak nilai nih dak lebeh dari nilai D", Rai Ilham merengut cak kambeng nak disembeleh.

Untunglah, Soleh dak ngucak'i Ilham lagi. Suasana kelas sepi nian cak kuburan, dak tek yang berani besuaro sedikit be, padahal la dak jadi rahasio lagi Kelas A ini sebenernyo budak-budaknyo nyenyes galo, tapi men pelajaran Pak Husni dak katek yang pacak bekutik.

"Payo... sekarang siapo yang pacak nyudahi soal ini?", uji pak Husni sambil nunjuk-nunjuk soal yang ditolesnyo di papan tulis pake pena sinar laser. Galo-galo yang di dalem kelas tediem cak si bisu dari goa antu, makmano dak tediem, pelajaran Pak Husni yang tigo SKS ini dari petamo jam masuk sampe la nak terakher cak ini yang di ajari nyo dak tek nian yang masuk di otak!!

"Aii.. kalo katek yang nunjuk tangan, bapak peleh di absen be", uji pak Husni sambil meleh-meleh namo siswa yang ado di kartu absen warno abang mudo. "Nah.. nah.. mati nian!! uji Ilham dalem ati dan cuma nunduk ke kepalak dak berani jingok depan.

Sekali nih, suasana kelas bukan lagi cak kuburan, tapi la cak ruang angkasa dak tek hawo. Galo-galo budak caknyo lagi nahan nafas galo saking takutnyo ditunjuk, dan bedasarkan uji telepati raso Ilham, pastilah sekarang nih budak-budak lagi bedoa dalem ati galo...

"Soleh Mahmud!", Bunyi suaro Pak Husni la cak kapten kapal saking besaknyo. Hah... uji Ilham lego kareno bukan namonyo yang disebut. "Mano Soleh Mahmud", uji Pak Husni nyari-nyari budak yang benamo Soleh Mahmud.

Galo-galo mato langsung nyingok ke arah Soleh yang duduk di bucu ruang sebelah Ilham. "Yakwaaaa... budak sikok nih..!! malah molor!!", uji Ilham tekejut setengah edup jingok si Soleh yang palaknyo telentok di meja. Buku catetannyo jugo lah basah galo keno banjir iler. "Oii.. leeh.. tangiii...!!!!", uji ilham sambel julak-julakke badan si Soleh. Tapi memang dasar si Soleh kalo teduk la cak Kebo, malah suaro ngoroknyo tambah besak.

Galo-galo rai yang ado di kelas la pucat cak kapuk jingok gawe si Soleh, dah tuk segalo rai jugo serempak jingok ke arah Pak Husni yang bejalan ke arah Soleh. "Naah!! mati nian kau Leh", uji galo-galo budak dalem ati.

Ilham lah dak tau lagi cakmano caro nangi ke Kebo di sebelahnyo, sampe akhernyo Pak Husni la tegak di Depan Soleh sambel megang buku Diktat yang tebel, saking tebelnyo buku diktat tuh.. men dibabetke ke kucing pacak kucing tuh jadi pingsan.

"Soleh Mahmud", Panggel Pak Husni yang suaronyo la cak geledek. Cacam nian, si Soleh bukannyo tangi, malah tambah ngorok dan tambah mbesakke gambar peta iler nyo. "Soleh Mahmud!!", sekali nih suaro pak Husni lebih besak lagi, saking besaknyo.. Ilham yang duduk di sebelah Soleh harus notop kopeng men dak galak gendang kopengnyo pecah.

"soleh.. tangiiii!!!", sekali nih Ilham nyulak-nyulak ke badan si Soleh. Saking kuatnyo julak'an Ilham, amper be badan soleh campak dari korsi. "Aaai.. Ham... !!! jangan ganggu aku... aku lagi mimpi ketemu bidadari nah...", uji Soleh cak ngigau. "Oiii.. Leh... ado Pak Husni...", uji Ilham tetap nyulak-nyulakke badan Soleh. "Jangan nak ngotak'i aku lur... aku tau kau tuh pengen jugo ketemu bidadari,,, gek lah aku sampe ke salam ye..." uji soleh mbaseng.

"Prraaaaak!!!!!!!", Buku Diktat tebel Pak Husni nyentak di pucuk meja Soleh. "OOOiiii..... sapo nian yang berani samo aku nih???", uji Soleh telunjak langsung tegak. "Aku!!", uji pak Husni yang rainyo la abang cak udang goreng sakeng marah.

Soleh ngucek-ngucek mato, dak pecayo tibo-tibo bidadari yang ado di depannyo berubah wujud jadi Pak Husni. "Pak Husni...??", tanyo Soleh cak wong buyan sakeng tekejutnyo. "Iyo aku!!", uji pak Husni sambil jelit-jelit ke matonyo yang amper nak metu.

Rai Soleh berubah pucat cak abes jingok antu. "Hebat nian ye.. kau teduk di kelas,, lah pinter nian caknyo??", uji Pak Husni yang di jawab geleng palak oleh Soleh. "Nah.. men kau pinter nian, kau gaweke soal yang di depan kelas tuh, toles di kertas rangkap seratus!! Aku tunggu hari ni lah sudahnyo,, men besok... rangkapnyo ditambah seratus lagi!! Nah.. men salah jawabannyo., nolesnyo harus di dobel ke lagi!! ngerti dak??", tanyo Pak Husni. Soleh tediem dan cuma pacak manggut-manggut.

"Baiklah, Oleh kareno alarm la bunyi, sampe sini be pelajaran kito sari ni, Assalamualaikum", uji Pak Husni sambil menuju ke mejanyo untuk beringkesi buku-buku.


Senin, 11 Oktober 2010

Cengah

"Euuy Es!! banguuun matoari la mencelek nah!!", Emon langsung be nangike makhluk-makhluk penghuni BEM yang masih muto galo. Dibukaknyo beber supayo sinar matoari biso masok ke ruangan BEM yang cuma sepetak itu tapi pengepnyo mintak ampun. Taulah dewek, penghuninyo lanang galo.

"Euuy Mon, gek dukin!! kamek ni baru be muto!", uji Rendra sambil tekeliep matonyo keno sinar matoari. "Aiii... katek-katek!!! tangilah galo.. men dak tuh, ku ambek'i banyu tuk nyiram kamok ni galo!!", Kato emon sambil ambek sapu. Rendra, Ucok dan Husni cuman biso tangi tapi dak rela, galo-galonyo teduduk di korsi meja rapat, telentok sambil naekke kaki, takut disapu Doraemon yang dak tau makan apo pagi nih pacak tibo-tibo rajin.

Ilham cuman diem jingok gawe kawan-kawannyo, matonyo ngawasi galo-galo sudut ruangan, dari cicek yang belago di plapon sampe ke rai kawan-kawannyo yang telentok di meja rapat. "Nuh,, gapo rai kau Cok?", tanyo Ilham waktu jingok rai Ucok yang pake handyplast di tempel malang-melintang. "Biasolah lur, kemaren kito aksi di kantor Gubernur, kami telepon hape kau idak aktif", uji ucok sambil megang-megang jidatnyo yang cengah.

Memang, kawan-kawan sekarang nih lagi rame-ramenyo ngadoke aksi menentang pengalihan lahan hijau dan rawa di Pelembang untuk dibangun jadi pusat belenan. Mereka nih khawatir kalo wong Pelembang bakalan kekurangan Oksigen (O2) gara-garanyo. Masok akal pulok, cubo peratike sekarang nih Pelembang panas tejengkang. "Euuy Ham!!!", neeeh... melamun lagi!! kemasuk'an kuntilanak nian kau nih gek", Emon la sampe pulok ke deket Ilham, sapunyo lah nari-nari di kaki Ilham, ilham cuman pacak mengger teratur.

Rendra la bangun dari tempat duduknyo, lagi manasi banyu dispenser tuk buat kopi. "laju, apo pasal kau pacak cengah nih?", Ilham penasaran. "Kemaren tuh keadaan panas lur, ampir be kito bentrok. Tapi Pol PP banyak nian", sampe ngadang mundur kito", Rendra cubo jelasin. "truss....???", Ilham tambah penasaran. Dio meraso aneh, kalo memang kemaren ado bentrok pastilah ado beritanyo di koran pagi ini, tapi caknyo koran adem ayem be.

"Aii... payah dulur kito sikok nih, malu-maluin kito be. Waktu kito dan yang aksi laennyo sepakat mundur teratur kareno memang rencana aksi kito cuman nak nyampe ke aspirasi, budak nih malah nyungsep ke got yang ado di depan kantor Gubernur", Uji Rendra sambel ketawo-tawo, Kopi yang lagi dikudeknyo sampe tumpah-tumpah saking ladasnyo dio ketawo. Galo-galo di ruangan itu jadi ladas melok ketawo, cuman Ucok yang mesem-mesem dak kelemak'an.


Sabtu, 09 Oktober 2010

Masok Kuliah Lagi

" Kak Ilham!!! Gancanglah dikit!!! telat pulok aku nih!!" , suaro Nurul yang cempreng cak kuali emek yang digebuki pake sok besi buat Ilham yang tadi tegak cak patung di depan kaco mengagumi kebelagak'annyo tekejut, "Aii.. dulur aku sikok-sikoknyo nih dak tau nian apo amon kakaknyo nih mesti jago nian penampilan di hari petamo masok kuliah sesudah prei panjang semester sudah tuh mubuh pulok prei lebaran", kato ilham dalem ati, sambil metu ke ruang makan untuk makan pagi besamo abah, emek, Yai dan pastinyo si Nurul adeknyo sikok-sikoknyo yang dak tek duonyo sepelembang anget ini.

"Payo gancang kak, makanan kakak lah aku bungkusi, masok'i be ke tas, makan di kampus be! aku piket hari nih kak... mati nian aku mon telat!!!", uji Nurul sambel begancang masuke bungkusan roti yang sudah diolesi sele kacang ke tas Ilham. Ilham cuman biso melongok-longok waktu tangannyo ditarek Nurul langsung ke motor bebeknyo, diiringi pandangan mato emek, abah dan yai yang mesem-mesem. "Assalamualaikum, kami pegi dulu meek!!!" uji Nurul langsung melompat ke jok belakang, "Peh, gancang kak!!", uji Nurul dan Ilham pun cak keno hipnotis melok'i kendak Nurul supayo jalani motornyo.

Ilham jingok jam waktu sudah parkerke motornyo di halaman Fakultas Teknik kampus di Jalan A Yani Plaju. "Aii.. kepagian aku nih!!! Apo kato dunia... The Crew Bedalu, kepagian di kampus", Ilham ngedumel dewek'an sambil rai nyo mengot-mengot cak bentuk jajaran genjang dak sejajar. Ilham langsung bejalan ke bucu bangunan Fakultas Teknik yang bentuknyo segi empat, "sarapan dukin aii", uji Ilham sambel ngeluarke bungkusan roti yang bentuknyo jugo la penyot-penyot ketendeh Buku Operasi Teknik Kimia yang dipinjemnyo di perpustakaan Fakultas sebelum prei dulu.

"Euuy Lur!!!! Po gawe pagi-pagi la datang neh? ado jam pagi yo?". Ilham tekejut denger ado suaro katek wongnyo. "mati aku, pagi-pagi la ditegur antu", ujinyo dalem ati sampe dak teraso roti potongan terakher ditelen bae dak pake dikunyah lagi. Matonyo muter-muter cari sumber bunyi dak tek frekuensi itu. "Wadoooowwww!!!!", Ilham tejeret waktu sekelnyo tibo-tibo teraso saket cak dipijak gajah. Ilham langsung jingok ke bawah, "Yakwaaa!!! Po dio kau nih Mon??? Sakeeet sekel aku nih!!!! Ilham langsung marah-marah sambel badannyo melenting-lenting cak ulet nangko nahan kakinyo yang saket. "Kau tuh pulok, nak buat marah ado... ditegur dak nyaut!!", uji Emon sambel rainyo jugo mencong-mencong nahan kesel.

Ilham narek nafas lego, jingok kawannyo sefakultas tapi dak sejurusan itu. Memang, kawannyo sikok ini agak beda dikit dari kawan-kawannyo yang laen, men yang laen tuh pertumbuhan tubuhnyo ke pucuk, nah men si Emon ini pertumbuhannyo ke sampeng, alias melebar, alias lagi horizontal. Ilham teringet waktu dulu petamo daftar kuliah, dio tes kesehatan barengan dengan makhluk yang namonyo Emon ini. Dokter yang ngetes kesehatan pacaknyo geleng-geleng kepalak, waktu di ukur tinggi badan Emon yang cuma 110 cm tapi berat badannyo nyampe 69 kg.

"Neh!! malah diem dio!!! kemasuk'an kuntilanak gek kau ni!!", emon tambah kesel be jingok Ilham yang manyun dengan mulut tenganga. Ilham bangun dari alam bawah sadarnyo, waktu jingok kawannyo sikok nih la mulai ngelepet-lepet rainyo. "Dak do lur, tadi aku nganteri si Nurul, katonyo hari ni piket", ilham ngenjuk penjelasan sejelas-jelasnyo supayo rai Emon yang la jahat dak lagi telepet. Dasar Si Emon doraemon!! taunyo dio dak ngibak'i sedikit be penjelasan Ilham, badannyo yang la cak buah nangko dibungkus karung melaju be ke ruang sekretariat BEM, dengan males-malesan Ilham melok'i jugo langkah Si Emon.


Senin, 30 Agustus 2010

Penesan

"Oiii!!!", Ilham langsung bae ngejuti adeknyo yang caknyo khusuk nian nonton teve, lepas mandi dan sholat Zuhur. "Aiidaah, kakak ni!!! buat tekejut bae!! lagi seru naah...", uji Nurul tapi matonyo dak lepas dari acara teve yang lagi ditontonnyo. "Jadilah dek nonton sinetron terus!! lemaklah kau ngaji apo tulung Emek di dapur nah", Ilham sok nasehati padahal dalem atinyo dio nak ngerebut remote teve yang dak lepas-lepas dari tangan Nurul.

"Aidaaah!! kakak ni.. sano lah dukin!!! kakak be yang ngaji duluan, yang tuo nyontohke dulu tuk yang mudo!!, Nurul la mulai dak sabaran jingok kakaknyo renyeng nian. "wuaah, hahaha... pacak nian kau niiii!!! Ilham geregetan tapi ketawo-tawo jingok gawe adeknyo. "Yo lah... jangan marah, la jahat tambah jahat gek!! hahahahaha", Ilham langsung ambek langkah seribu ke pintu jabo dibarengi babetan bantal dari adeknyo. Nurul lah dak ngibak'i lagi kakaknyo yang jahel bin bahel tuh. Dio langsung nikmati lagi tontonannyo.

Minggu, 29 Agustus 2010

Molor itu Ibadah ?

Astarghfirullah, Ilhaaaaaam!!!!!!! suaro emek lebih-lebih cak toa mesjid waktu jingok Ilham yang maseh be molor. "Payo bangun nak...., matoari la tinggi, denget lagi la azan Zuhur pulok", kato emek sambel bukak jendelo kamar Ilham.

"Kagek Meek..., kan uji wong tuo tuh molor kan ibadah kalo bulan puaso neh", uji Ilham malah sambil narik kemul, nutupi rai nyo yang keno sinar matohari yang masuk lewat jendelo. "Cacam nak.. la bener pulok uji kau", emek mesem-mesem denger jawaban anak bujangnyo itu. Emek langsung ambek posisi duduk di ranjang ilham, sambil ngelus-ngelus rambut anaknyo itu. " Payo nak, bukak mato tuh dikit, dengeri emek dulu ye". Duh, Ilham agak semon dibuat cak budak kecik oleh Emek, langsung be Ilham bangun dan duduk di samping Emek. "Iyo mek, Ilham denger sekarang", uji Ilham sambel bukak kupingnyo besak-besak nak nyimak apo yang bakal disampe'in Emek.

"Nak, bener uji kau tadi, molor itu ibadah, tapi maksud ibadahnyo tuh cak ini ceritonyo, denger ye... Dijaman Nabi dulu, para sahabat kalo di bulan Ramadhon itu galo-galonyo belomba-lomba berbuat baek, sampe-sampe seluruh waktunyo digunoke untuk ibadah. Siang-malam gawe sahabat tuh beribadah sampe-sampe dak setedukan. Nabi prihatin, mangkonyo nabi suruh para sahabat untuk molor, karena molor itu ibadah yang uji wong tuh la jadi haknyo tubuh. Men sahabat terus-terusan beribadah dak setidukan, otomatis mereka sudah menzolimi tubuh". Ngerti dak nak? tanyo emek ke anak bujangnyo yang melongok denger cerito Emeknyo.

"eeh.. iyo mek, Ilham ngerti, Ilham mandi dukin Mek, la malu pulok Ilham teduk kelamoan bukannyo ibadah", uji Ilham sambil mesem-mesem, dan langsung meloncat dari ranjang ke kamar mandi. Emek balek lagi mesem-mesem jingok gawe anak bujangnyo, sambil ngelepet kemul.

Senin, 14 Juni 2010

Kamus Baso Pelembang

Dalam bahasa Palembang, awalan me- seringkali tidak diucapkan. Misalnya: Jingok (lihat) bila diberi awalan me- akan menjadi "nyingok" bukan menjingok. Goco (pukul) bila diberi awalan me- akan menjadi "ngoco" bukan menggoco.

Di bawah ini adalah beberapa kata dalam Bahasa Palembang dan artinya dalam Bahasa Indonesia:

A

  • Aman / Amon = Kalau (cth: aman kau ke sano gek, jangan lupo bawa pempek)

-> Kalau kamu kesana nanti, jangan lupa bawa pempek.

  • Antok = Menyentuh suatu benda, biasa digunakan anak kecil dalam permainan 'gambaran' (cth: kartu kau tu antok, ulang oi !)

-> Kartu kamu itu terbentur, ulang dong!

  • Asak = Asalkan (cth: asak kau dapet cepek, ku enjok mobil la)

-> Kalau kamu dapat 100, saya kasih mobil deh.

  • Awak = Kamu, bisa digunakan sebelum 'kau' (cth: awak kau yang salah, nak nyalahke wong)

-> Kamu yang salah, mau menyalahkan orang.

  • Awan = Siang (cth: awan tadi, budak Kertapati menang lomba bidar)

-> Tadi siang, anak Kertapati menang lomba bidar.

B

  • Bae/be = Saja (cth: kau bae/be la yang bayar)

-> Kamu sajalah yang bayar.

  • Balak = Masalah (cth: dak usah nyari balak la, kagek celako kau)

-> Tidak usah cari masalah deh, nanti kamu celaka.

  • Balek = Pulang (cth: aku abes ni nak balek ke rumah)

-> Saya setelah ini mau pulang ke rumah.

  • Balen = Ulang (cth: balen oi, mano ado maen cak tu)

-> Ulang dong, mana ada main begitu.

  • Banyu = Air (cth: nak minum apo? banyu putih be)

-> Tanya : Mau minum apa? Jawab : Air putih saja.

  • Baseng = Terserah (cth: baseng kau la, aku dak melok melok be)

-> Terserah kamu sajalah, saya tidak ikut (kalau terjadi masalah, saya tidak ikut kena getahnya-red).

  • Basa = Gawat (cth: basa ni! dak pacak gawe galo)

-> Gawah nih! Tidak bisa kerjakan semua.

  • Baso = Bahasa (cth: ae baso inggris be dak pacak kau, cupu ni!)

-> Ya ampun, bahasa Inggris saja kamu tidak bisa, pecundang nih!

  • Bebala = Bertengkar(mulut) (cth: wong sebelah ni galak bebala sampe subuh)

-> Orang sebelah suka bertengkar sampai subuh.

  • Belagak = Tampan, cakep, rapi(cth: wew, belagak nian kau hari ni!)

-> Wah, rapi sekali kamu hari ini!

  • Belago = Bertengkar saling pukul (cth: budak kecik tu galak belago, laporke plisi peh?)

-> Anak kecil itu suka berkelahi, laporkan ke polisi yuk?

  • Bengak = Bodoh (cth: bengak nian kau ni, baco be dak pacak!)

-> Bodoh sekali kamu ini, membaca saja tidak bisa!

  • Begoco = Berantem/Berkelahi (cth: dak usah jingok jingok, begoco be kito!)

-> Tidak usah lihat-lihat, berantem aja kita!

  • Berejo = Bersusah-susah, berusaha (cth: berejo la kau! tula, diomongi dak galak denger)

-> Berusahalah kamu! Makanya, di beri tahu tidak mau dengar.

  • Bi Cek = Ibu, bibi, tante (cth: bi cek! nak kemano?), bi cik (bibi kecik/ bibi kecil), panggilan untuk tante dalam keluarga besar yang paling kecil/ muda.

-> Bibi! Mau kemana?

  • Budak = Anak (cth: budak Palembang emang cindo - cindo galo)

-> Anak Palembang memang cantik-cantik semua.

  • Buntang = Bangkai (cth: depan kelas kito ado buntang tikus)

-> Di depan kelas kita ada bangkai tikus.

  • Buyan = Bodoh (cth: makonyo belajar biar dak jadi buyan, adekku)

-> Makanya belajar adikku, agar kamu tidak jadi bodoh.

C

  • Cak mano = Bagaimana (cth: cak mano ni? pacak dak lulus kito ni)

-> Bagaimana ini? Bisa tidak lulus kita.

  • Cak itula = Ya begitulah (cth: cak itula, basa nian kito)

-> Begitulah, benar-benar dalam kesulitan kita.

  • Calak = Pintar, Cerdik (cth: oi calak nian kau e, wong ngaki kau bawak sepeda)

-> Cerdik juga kamu ya, orang lain jalan kaki kamu bawa sepeda.

  • Cemeke'an = Pelit (cemeke'an nian, goceng be dak ngasi)

-> Pelit sekali, mamberi lima ribu saja tidak mau.

  • Cetuk = Patuk (cth: lakinyo mati dicetuk ulo)

-> Suaminya meninggal dipatuk ular.

  • Cotang = Menebak nebak dalam soal pilihan (cth: cotang 5 bener 4, hebat dak?)

-> Sembarangan jawab lima soal, benar empat, hebat tidak?

  • Cugak = Kecewa (cth: keno cugak be aku lantak dio)

-> Saya kecewa karena dia.

  • Cucung = Cucu (cth: woi cung, kalo kau ke Plaju, belike aku pempek)

-> Cu, kalau kamu ke Plaju, belikan kakek/nenek pempek.

  • Cindo = Cantik (cth: cindo nian tino tu, pacak peca utak aman jingokinnyo terus)

-> Cantik sekali wanita itu, bisa gila kalau melihatnya terus.

  • cupu = pecundang

D

  • Dak papo = Tidak Apa-apa (dak papo la! cuman denget kok)

-> Tidak apa-apa lah, cuma sebentar kok.

  • Dak katek / katek = Tidak ada(lebih tegas) (cth: dak katek malu nian kau ni!)

-> Tidak ada malu sekali kamu ini!

  • Dak katek katek = Tidak (membela diri) (cth: aq pegi kesano? dak katek katek)

-> Saya pergi kesana? Mana ada (tidak).

  • Dak terti = Tidak mengerti (cth: dak terti aku pelajaran ni)

-> Saya tidak mengerti pelajaran ini.

  • Dewe'an = Sendirian (cth: pegi samo siapo kau? dewe'an be)

-> Pergi sama siapa kamu kesana? Sendirian saja?

  • Dulur = Saudara (cth: oi dulur! po kabar?)

-> Saudara! Apa kabar?

  • Doken = Dulu (cth: ai ngopi doken biar dak ngantok)

-> Aduh, bagaimana dulu agar tidak mengantuk.

E

  • Emek : Ibu/emak (cth: emek,ado yang ngolake aku)

-> Mama, ada yang mempermainkan saya.

  • Enjuk = Beri (cth: enjuk siapo la bunga ni ye?)

-> Kasih siapa ya bunga ini?

  • Ekar = Kelereng (cth: ekar aku hargonyo goban, kau punyo?)

-> Kelereng saya harganya lima puluh ribu, punya kamu (harganya berapa)?

G

  • Galak = Mau (cth: galak makan dak?) / sering (cth: tu la, galak takok'an, keno batunyo kau sekarang)
  • Galar = Lantai (cth: kaparke bae mangkok tuh dipucuk galar)
  • Galo = Semua (cth: wong kito galo)
  • Gancang = Cepat (cth: gancang dikit kak, kagek telat aku ni sekolah)
  • Gedek = Dinding / Tembok (cth: lukisan sikok itu tolong dipasang di gedek sebelah sano ye mang)
  • Geli geli = Mudah (cth: mak ini sih geli geli bae)
  • Geli geli basa = Sangat mudah (cth: pacak dak? geli geli basa)
  • Geta basa = Bokek, pelit (cth: geta basa dio tu)
  • Goco = Tonjok,Tinju (cth: ati - ati samo preman itu, kagek keno goco)
  • Gilo = Gila

I

  • Idak = Tidak (cth: idak galak makan dio dari kemaren)
  • Igo = Terlalu (cth: tula pelit igo! rasoke kau sekarang)
  • Iwak = Ikan (cth: iwak belido emang paleng mantep dibikin pempek)

J

  • Jabo = Luar (cth: tolong buangke sampah ni ke jabo ye)
  • Jingok = Lihat (cth: jingok - jingok kalo kakak aku dateng ye)
  • Jiron = Tetangga (cth: kenal dak kau samo jiron kau?)
  • Julak = Dorong (cth: kau dijulak siapo dek? ngapo pacak nyampak cak ini?)

K

  • Kacek = Selisih (cth: kacek dikit jugo, dak apo la)
  • Kacuk'an (tidak sopan)= Berhubungan sex (cth: jangan kacuk'an di luar nika ye, doso tu)
  • Kagek = Nanti (cth: nak pegi lum? kagekla)
  • Kambang = Kolam (cth: wow, kambang iwak makin cantik bae mak ini ari)
  • Kampang (tidak sopan)= Tak punya ayah, anak haram (cth: oi kampang! dak jingok wong lagi nyebrang!)
  • Kanji = Genit (cth: jingokla,betino itu kanji nian samo lanang)
  • Katek = Tidak Ada (cth: kesian jingok dio, katek duit, katek rumah, katek kerjo)
  • Kecik = Kecil (cth: pempek telok kecik seporsi berapo?)
  • Kelaso = Tikar, alas duduk / tidur (cth: bentangkelah kelaso tuh, aba kau nih nak tiduk dulu)
  • Kempet = Kempes (cth: ai, ban mobil aku kempet pulok)
  • Kendak = Kehendak (cth: kendak aku ni cak ini, ngapola jadi cak itu?)
  • Ketek = Perahu (cth: turis tu lagi naek ketek nyebrang sunge musi)
  • Kito = Kita (cth: wong kito galo)
  • Kleker = Kelakar (cth: mang cek kau tu emang rajo kleker, ngehayal telalu tinggi)
  • Klepeh = Dompet (sth: supayo dak dimaling, pastike klepeh disimpen dengan aman)
  • Kocek = Potong,kupas (cth: diemlah, agek kukocek palak kau!)

L

  • La = Sudah (cth: la selesai lum? lamo nian)
  • Ladeng = Pisau (cth : kau buang kemano ladeng bekas kau nujah tadi?)
  • Laju = Ayo (cth: galak laju, dak galak sudah), akibatnya/jadinya (cth: lantak bebala laju keno marah budak tu)
  • Lajuke = Urusi (cth: aman kau galak, lajuke la)
  • Lanjak'i = Kerjain, urusin (cth: mumpung regonyo murah, lanjak'i la cek)
  • Lantak = gara-gara (cth: lantak kau la, jd rusak komputer aku)
  • Lemak = Enak (cth: makanan disini la dak lemak, mahal pulok)
  • Lihai = Pintar (cth: lihai nian dio matematika, les dimano ye dio?)
  • Lokak = Kerjaan, masalah (cth: kalo ado lokak, kabari bae aku ye mang)
  • Lolo = Bodoh (cth: Belajarla yang rajin, galak apo jadi lolo?)
  • Lum = Belum (cth: sudah lum?)

M

  • Madak'i = Masa sih? (cth: mada'i kito kalah?, perasaan la lemak tekwan kito ni)
  • Mak ini ari = Hari gini (cth: mak ini ari, mase ado bae wong yang galak maleng ayam)
  • Mang Cek = Bapak, Paman (cth: di rumah mang cek aku ado kebon rambutan)
  • Melok = Ikut (cth: aku nak ke Kandang Kawat, melok dak?)
  • Mekek-Mekek = Berteriak (cth: oi cek, apo dio la dari tadi mekek-mekek!)
  • Mekot, Milu = Ikut (cth: mekot oi ke PS, la bosen aku ke PTC)
  • Menujah = Menusuk (cth: rai kau ni mirip yang nujah adek aku)
  • Mengot = Lengkung (cth: mistar ni pacak mengot pulok)
  • Meseng (tidak sopan) = Buang air besar (cth: budak tu galak meseng di celano aman aku kejutke)
  • Metu = keluar (cth: dio tu dak pernah metu dari kamar sejak diputusi ceweknyo)
  • Merep = Mirip,Menyerupai ( cth: Rai nyo Merep wong ini )
  • Minta alem = Manja, Carmuk (cth: minta alem nian dio ni)
  • Mentek, Mengkek = Belagu,Banyak Gaya ( cth: Mengkek nian budak tu !)

N

  • Nak = Mau (cth: diemla! nak keno marah guru kau?)
  • Ngampok = Pamer (cth: dak usah ngampok kau! jingok dulu na gambar aku)
  • Ngatoke = Mengatakan (cth: walikota ngatoke kalo dio bakal gusur semua pedagang kaki limo tanpa ampun)
  • Ngolake = Menipu (cth: koko kau tu galak ngolake, ngomong jual ayam bangkok taunyo ayam kampung)
  • Ngota'i = Membohongi (cth: ae kau ni ngota'i aku dari dulu, putus be kito)
  • Nian = Sangat (cth: kau cantik nian malem ni)
  • Nianan = Beneran (cth: nianan oi! pesta pesta kito malem ni)
  • Ngibak'i = Peduli amat (cth: ngibak'i kau la, emang kau siapo)
  • Ngigik = Lucu, ada ada aja (cth: ngigik nian wong yang bikin kamus ni)
  • Ngenyek = Ngejek (cth: pak itu emang galak ngenyek, kesel jugo lamo lamo)
  • Nyampak = Jatuh (cth: ajaib, la nyampak dari lante 30 masi pacak idup)
  • Nyenyes = Tidak bisa menjaga rahasia, mulut ember (cth: aku dak seneng dengan wong nyenyes cak dio)
  • Ngagok'i = Tanggapi (cth : Berentilah ngagok'i nyo,gek dio nangis )

O

  • Oncak = Jagoan (cth: pakela oncak kau, tetep tula aku yg menang pasti)
  • Oplet = Angkot (cth: kalo oplet warno merah stop dimano ye?)
  • Orang Rumah = Istri

P

  • Pacak = Bisa (cth: pacak gilo jugo aku kalo cak ini terus)
  • Palak = Kepala (cth: pening palak aku jingok kelakuan dio)
  • Panto = Cuma (cth: panto itu be dak pacak, makmano kau ni ?)
  • Pasak = Pasar (cth: pasak Plaju la canggih sekarang, nyaman men nak blanjo)
  • Payo = Ayo (cth: ke PIM dak? payo!)
  • Pecak = Seperti (cth: badan pecak gorila cak tu, kalahla dio)
  • Pecik = Menembak (cth: ae cupu ni, pecik ekar be dak pacak)
  • Peh la = Yuk (cth: maen dak? peh la)
  • Penesan = Bercanda (cth: jangan langsung tujah2an oi, cuma penesan dio tu)
  • Pilat (tidak sopan)= Kata kasar, arti: orang yang bibirnya ada bekas operasi(?) (cth: pilat ni! bawa mobil tu beneran dikit!)
  • Pocok = Atas (cth: dio lagi di pocok, beneri atep)
  • Prei = Libur (cth: kapan prei?)
  • punyo=punya

R

  • Rai = Muka, tampang (cth: rai kau make apo? maken cantik bae kw bik)
  • Ringam = Benci (cth: ringam nian jadi wong tu!)
  • Rese = Habis ( cth: ai rese makanan ini)

S

  • Sanjo = Bertamu (cth: kagek sincia sanjo ke tempat aku ye, banyak makanan la)
  • Sangkek = Keranjang, bungkusan berisi makanan yang dibagikan waktu ultah anak kecil (cth: la dapet sangkek lum kau?)
  • Saro = Sulit (cth: kalo cak ini saro! jadinyo cak mano? cari dulu turunannyo)
  • Sapo = Siapa (cth: sapo bae yang ranking, dapet voucher les gratis disano)
  • Semekuk = Berbentuk (cth: dak semekuk nian gambar kau, budak TK be lebih lihai)
  • Sepur = Kereta (cth: ado wong dilindas sepur malem tadi)
  • Sike = Pelit (cth: dak usah sike la, awak kayo)
  • Sius = Serius (cth: siusan oi? mak mano nian ceritonyo?)
  • Sikok = Satu (cth: bagi sikok wong sikok, jangan banyakan)
  • Singit = Sembunyi (cth: maleng tu singitan di wc rumah aku)
  • Siru = Heboh (cth: dak usah siru! mano buktinyo?)
  • Sedenget = Sebentar (cth: sedenget be, dak lemakkan aku kalo dak ke rumah dio)
  • Sekewet = Curang (cth: ketauan ye kau galak maen sekewet)
  • Sokor = Sukurin (cth: sokor! makonyo latihan dulu men nak tanding tu)

T

  • Tako'an = Sombong (cth: wong tako'an cak dio emang harus dibasmi)
  • Tebudi = Tertipu (cth: dak tau aku ini palsu, tebudi aku oleh dio)
  • Tedok = Tidur (cth: tedok tu jangan malem malem)
  • Tek aguk = Gak ada kerjaan (tidak digunakan terpisah) (cth: tek aguk nian dio, nyoret nyoret papan)
  • Terajang = Hantam (cth: na, nyengir nyengir, terajang gek kau!)
  • Tetak = Potong (cth: tetak palak aku kalo kau dapet cepek)
  • Tino = Betina/perempuan (cth: budak tino itu begawe di PS)
  • Tangani = Selesaikan, hajar, pukul (cth: dak usah macem macem, tangani gek kau!)
  • Tula = Itu lah (cth: tula! la ku ngomongi caronyo tu mak ini, dak cayo kau)
  • Tujah = Menusuk (cth: ne, kau. Ngapo nyingok-nyingok, kagek ku tujah)
  • Galak = Suka (cth: Aku galak dengan kau)

U

  • Ucak-ucak = Main main, tidak serius (cth: ae SFC ni maennyo ucak ucak sekarang)
  • Uji = Kata (cth: uji dio kalo pacak gawe ke soal ni, nak dienjok cepek ceng kito)
  • Umep = Panas / masak / mendidih (cth: bik, banyu tuh lah umep, angkatlah)
  • Untal = Lempar (cth: untal tu bener dikit, nyangkut ke atep gek)
  • Ulo = Ular (cth: ampir be aku ninjek ulo di sawah)

W

  • Wong = Orang (cth: wong kito galo, wong Palembang)

Y

  • Yasi = Sah (cth: dak yasi pemilu tu, banyak maen calak dio)

Perubahan vokal

Beberapa kata dalam bahasa Palembang yang sama dengan Bahasa Indonesia, hanya berubah vokal akhirnya:

  • Ado = Ada
  • Apo = Apa
  • Biaso = Biasa
  • Dio = Dia
  • Mano = Mana
  • Di mano = Di mana
  • Jawo = Jawa
  • Jugo = Juga
  • Kemano = Kemana
  • Kato = Kata
  • Ketawo = Ketawa
  • Kito = Kita
  • Mano = Mana
  • Ngapo = Mengapa
  • Disano = Disana
  • Pulo = Pula
  • Biso = Bisa
  • Iyo = iya
sumber : Wikipedia Indonesia