Senin, 30 Agustus 2010

Penesan

"Oiii!!!", Ilham langsung bae ngejuti adeknyo yang caknyo khusuk nian nonton teve, lepas mandi dan sholat Zuhur. "Aiidaah, kakak ni!!! buat tekejut bae!! lagi seru naah...", uji Nurul tapi matonyo dak lepas dari acara teve yang lagi ditontonnyo. "Jadilah dek nonton sinetron terus!! lemaklah kau ngaji apo tulung Emek di dapur nah", Ilham sok nasehati padahal dalem atinyo dio nak ngerebut remote teve yang dak lepas-lepas dari tangan Nurul.

"Aidaaah!! kakak ni.. sano lah dukin!!! kakak be yang ngaji duluan, yang tuo nyontohke dulu tuk yang mudo!!, Nurul la mulai dak sabaran jingok kakaknyo renyeng nian. "wuaah, hahaha... pacak nian kau niiii!!! Ilham geregetan tapi ketawo-tawo jingok gawe adeknyo. "Yo lah... jangan marah, la jahat tambah jahat gek!! hahahahaha", Ilham langsung ambek langkah seribu ke pintu jabo dibarengi babetan bantal dari adeknyo. Nurul lah dak ngibak'i lagi kakaknyo yang jahel bin bahel tuh. Dio langsung nikmati lagi tontonannyo.

3 komentar:

  1. Subhanallah...ini dio summary dari postingan ini yang hampir belasan tahun dak tedenger:

    sano lah dukin!!!
    renyeng nian
    babetan bantal
    dak ngibak'i lagi

    Sedikit melepas kerinduan kampung halaman...!

    Warm regard from Belajar Design T-shirt. Have a nice day!

    BalasHapus
  2. cacam-cacam, baru tau aku, mantep nian blog baso plembang sikok ini

    BalasHapus
  3. >> Iskaruji : cacam lur.... memangnyo aslinyo dari mano?

    >> Mangcek Candra : baru belajar mangcek, cakmano tawaran ami? jadi kito olah bareng blog ini?

    BalasHapus

Abis baco, tolong enjuk kritik dan sarannyo lur, terimo kaseh....